| prop-fr:contenu
|
- * XVIIIe janvyer mil Vc LIII.
Veues par la court les charges et informacions faictes par ordonnance d'icelle à la requeste du procureur général du roy, demandeur en crime de blasphème, herezie, par Me Jehan Corbin, conseiller du roy en la court de céans et commissaire député par icelle en ceste partie les XXIIe et XXVIIIe jours d'octobre, VIIIe et XIe novembre mil cinq cens quarente cinq, à l’encontre de plusieurs malsentens ? de la foy, demourans au pays et conté de Laval et lieux circonvoysins, les conclusions du procureur général du roy, et tout considéré :
Ladicte court a ordonné et ordonne Pierre Bourgeau, cousturier, Lucas Lemaignan, Anthoine Paris, Guillaume Rouillard, texier en toilles, Mathurin Gaudemer, marchant, demeurant au bourg de Deux-Evailles, Estienne Deslandes, le seigneur de La Carrière et sa femme, Françoys Lestangot, cousturier, Gençin Baulde, Jehan Lair, ung nommé Richard qui souloit estre varlet de chambre à la damoyselle de Laval, ung nommé Me Pasquier, cirurgien, qui a demouré à Malicorne, Symon de Honnefleu, du mestier de victrier, aultrement dict Symon de Honnefleu, demourant à la Bretonnière, paroisse de Moulay, victrier et painctre, Mathurine, chambrière du lieutenant du juge de Laval, Yves de La Chappelle, Rolland Deslandes, Me Jehan Le Devin, natif de Laval, Micheau Berthelot, orfèvre, de Laval, et Jehan Beloce, estre prins au corps quelque part qu'ilz pourront estre trouvez en ce royaulme, mesmes en lieu sainct, et iceulx estre menez prisonniers soubz bonne et seure garde ès prisons royaulx de la ville du Mans pour illec estre à droict et estre par le séneschal du Maine contre eulx proceddé à la faction et confection de leur procès sur le crime d'hérezie à eulx imposez ainsi que de raison. Et ou tous les dessusdits ne pourront estre prins et appréhendez au corps seront adjournez à troys briefz jours à comparoir en personne par devant ledit seneschal du Maine, sur peine de banissement de ce royaulme, confiscacion de corps et de biens et d'estre actainctz et convaincuz des cas à eulx imposez ... Et seront tous et chacuns les biens desdictz delinquans prins et mis par bon et loyal inventoire et iceulx, avec leurs autres biens immeubles, saisiz et mis en la main du roy, et soubz icelle regiz et gouvernez par bons et souffisans commissaires … Et oultre ordonne ladicte court Michel Lemercier, Jaquine, vefve de feu Françoys de La Court, Me Olyvier de La Crosse, chappellain, Macée, fille de Estienne Deslandes, Françoys De Launay, Jehan du Couldray, le seigneur de Montregnou et son filz, estre adjournez à comparoir en personne à certain et competant jour par devant ledict seneschal du Maine, sur peine d'estre actainctz et convaincuz des cas à eulx impostez pour estre oyz et interrogez sur le contenu esdictes charges et informations... . Archives nationales X2a 115. Registre non paginé. À la fin du volume. (fr)
- * XVIIIe janvyer mil Vc LIII.
Veues par la court les charges et informacions faictes par ordonnance d'icelle à la requeste du procureur général du roy, demandeur en crime de blasphème, herezie, par Me Jehan Corbin, conseiller du roy en la court de céans et commissaire député par icelle en ceste partie les XXIIe et XXVIIIe jours d'octobre, VIIIe et XIe novembre mil cinq cens quarente cinq, à l’encontre de plusieurs malsentens ? de la foy, demourans au pays et conté de Laval et lieux circonvoysins, les conclusions du procureur général du roy, et tout considéré :
Ladicte court a ordonné et ordonne Pierre Bourgeau, cousturier, Lucas Lemaignan, Anthoine Paris, Guillaume Rouillard, texier en toilles, Mathurin Gaudemer, marchant, demeurant au bourg de Deux-Evailles, Estienne Deslandes, le seigneur de La Carrière et sa femme, Françoys Lestangot, cousturier, Gençin Baulde, Jehan Lair, ung nommé Richard qui souloit estre varlet de chambre à la damoyselle de Laval, ung nommé Me Pasquier, cirurgien, qui a demouré à Malicorne, Symon de Honnefleu, du mestier de victrier, aultrement dict Symon de Honnefleu, demourant à la Bretonnière, paroisse de Moulay, victrier et painctre, Mathurine, chambrière du lieutenant du juge de Laval, Yves de La Chappelle, Rolland Deslandes, Me Jehan Le Devin, natif de Laval, Micheau Berthelot, orfèvre, de Laval, et Jehan Beloce, estre prins au corps quelque part qu'ilz pourront estre trouvez en ce royaulme, mesmes en lieu sainct, et iceulx estre menez prisonniers soubz bonne et seure garde ès prisons royaulx de la ville du Mans pour illec estre à droict et estre par le séneschal du Maine contre eulx proceddé à la faction et confection de leur procès sur le crime d'hérezie à eulx imposez ainsi que de raison. Et ou tous les dessusdits ne pourront estre prins et appréhendez au corps seront adjournez à troys briefz jours à comparoir en personne par devant ledit seneschal du Maine, sur peine de banissement de ce royaulme, confiscacion de corps et de biens et d'estre actainctz et convaincuz des cas à eulx imposez ... Et seront tous et chacuns les biens desdictz delinquans prins et mis par bon et loyal inventoire et iceulx, avec leurs autres biens immeubles, saisiz et mis en la main du roy, et soubz icelle regiz et gouvernez par bons et souffisans commissaires … Et oultre ordonne ladicte court Michel Lemercier, Jaquine, vefve de feu Françoys de La Court, Me Olyvier de La Crosse, chappellain, Macée, fille de Estienne Deslandes, Françoys De Launay, Jehan du Couldray, le seigneur de Montregnou et son filz, estre adjournez à comparoir en personne à certain et competant jour par devant ledict seneschal du Maine, sur peine d'estre actainctz et convaincuz des cas à eulx impostez pour estre oyz et interrogez sur le contenu esdictes charges et informations... . Archives nationales X2a 115. Registre non paginé. À la fin du volume. (fr)
|
